РАСМИЙ БАЁНОТ.

28.05.2020

Автомобиль транспорт йўловчи ва юк ташиш билан шуғулланувчи тадбиркорлар даққатига!
2020 йилнинг 1 январь кунидан бошлаб Ўзбекистон Республикаси Вазирлар Маҳкамасининг 30.07.2019 йилдаги 636-сонли "АВТОМОБИЛЬ ТРАНСПОРТИДА ЙЎЛОВЧИЛАРНИ ВА ЮКЛАРНИ ШАҲАРДА, ШАҲАР АТРОФИДА, ШАҲАРЛАРАРО ВА ХАЛҚАРО ЙЎНАЛИШЛАР БЎЙИЧА ТАШИШ ФАОЛИЯТИНИ ЛИЦЕНЗИЯЛАШ ЮЗАСИДАН ДАВЛАТ ХИЗМАТЛАРИ КЎРСАТИШНИНГ МАЪМУРИЙ РЕГЛАМЕНТИНИ ТАСДИҚЛАШ ТЎҒРИСИДА"ги қарорига асосан автомобиль транспортида йўловчи ва юк ташиш ҳуқуқини берувчи лицензия ва лицензия варақалари олиш учун аризалар Давлат хизматлари марказлари ёки Ягона интерактив давлат хизматлари портали-my.gov.uz (http://%D0%BF%D0%BE%D1%80%D1%82%D0%B0%D0%BB%D0%B8-my.gov.uz) сайти орқали онлайн тарзда бериб келинаётган эди. Ушбу жараённи янада соддалаштириш мақсадида аризани кўриб чиқиш ва лицензия учун давлат божи тўловларини Ўзбекистон Республикаси Транспорт вазирлигининг ҳисоб рақамларига олдиндан пул кўчириш йўли билан тўлаш тизимидан ИНВОЙС орқали тўлаш тизимига ўтилди. Бунда онлайн тарзда ИНВОЙС хисоб рақамларига лицензиатнинг банк ҳисоб рақамидан, пластик карточкадан ва тижорат банкларининг-Мунис дастури орқали амалга ошириш имконияти яратилди. Лицензия ва лицензия карточкаларини олиш учун ариза юбориш жараёнида барча тўловлар ИНВОЙС хисоб рақамига аризани кўриб чиқиш учун, ариза кўриб чиқилгандан сўнг иккинчи ИНВОЙС рақамига давлат божи тўлов амалга оширилади. Ўзбекистон Республикаси Транспорт вазирлигининг ҳисоб рақамларига лицензия учун тўловларни амалга оширмаслигингиз сўралади.